head1
head2
head 3

‘തന്നത്താനെ’; റാപ്പര്‍ ഫെജോ ആലപിച്ച നാരദനിലെ ആദ്യ ഗാനം പുറത്ത്

ആഷിഖ് അബു സംവിധാനം ചെയ്യുന്ന ടൊവിനോ ചിത്രം നാരദനിലെ ആദ്യ ഗാനം പുറത്ത്. ‘തന്നത്താനെ’ എന്ന ഗാനം റാപ്പര്‍ ഫെജോയാണ് പാടി അഭിനയിച്ചിരിക്കുന്നത്. ബ്ലാക്ക് ആന്‍ഡ് വൈറ്റ് ടോണിലാണ് ഗാനം ചിത്രീകരിച്ചിരിക്കുന്നത്. ‘ഓപ്പറേഷന്‍ ജാവാ’, ‘മറഡോണ’, ‘അതിരന്‍’, ‘രണം’ എന്നീ സിനിമകള്‍ക്ക് വേണ്ടിയാണ് ഫെജോ ഇതിന് മുന്‍പ് ഗാനങ്ങള്‍ ആലപിച്ചത്. ഫെജോ തന്നെ എഴുതിയ വരികള്‍ക്ക് ഡി.ജെ ശേഖറാണ് സംഗീതം നല്‍കിയിരിക്കുന്നത്.

സമകാലിക ഇന്ത്യയിലെ മാധ്യമ ലോകത്തെ അടിസ്ഥാനമാക്കിയാണ് ‘നാരദന്‍’ ഒരുക്കിയിരിക്കുന്നത്. മായാനദിക്ക് ശേഷം ആഷിഖ് അബു – ടൊവിനോ തോമസ് കൂട്ടുകെട്ടില്‍ ഒരുങ്ങുന്ന ചിത്രമാണിത്. അന്ന ബെന്നാണ് നായിക. ഉണ്ണി. ആര്‍. ആണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്.

രണ്ട് വ്യത്യസ്ത ഗെറ്റപ്പുകളിലാണ് ടൊവിനോ സിനിമയിലെത്തുന്നത്. ഒരു പൊളിറ്റിക്കല്‍ ത്രില്ലറിന്റെ സ്വഭാവമുള്ള ചിത്രമായിരിക്കും നാരദന്‍ എന്നാണ് ട്രെയ്ലര്‍ തരുന്ന സൂചന. ഷറഫുദ്ദീന്‍, ഇന്ദ്രന്‍സ്, ജാഫര്‍ ഇടുക്കി, വിജയ രാഘവന്‍, ജോയ് മാത്യു, രണ്‍ജി പണിക്കര്‍, രഘുനാഥ് പാലേരി, ജയരാജ് വാര്യര്‍ തുടങ്ങി വന്‍താരനിരയാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്നത്. ചിത്രം ജനുവരി 27ന് തിയേറ്ററുകളില്‍ വേള്‍ഡ് വൈഡ് റിലീസ് ചെയ്യും.

സന്തോഷ് കുരുവിളയും റിമാ കല്ലിങ്കലും ആഷിഖ് അബുവും ചേര്‍ന്നാണ് ചിത്രത്തിന്റെ നിര്‍മ്മാണം. ജാഫര്‍ സാദിഖ് ആണ് ക്യാമറ, സൈജു ശ്രീധരനാണ് എഡിറ്റിംഗ്. സംഗീത സംവിധാനം ഡി.ജെ ശേഖര്‍ മേനോനും ഒര്‍ജിനല്‍ സൗണ്ട് ട്രാക്ക് നേഹയും യാക്സണ്‍ പെരേരയുമാണ് ഒരുക്കിയിരിക്കുന്നത്. ആര്‍ട്ട് ഗോകുല്‍ ദാസ്.

Comments are closed.